Wie kent 'm now?  (melodie: Father and Son - Cat Stevens)

Bij geen geluid: Klik hier

Wie kent ‘m now?

Iedereen kent de kearl
As ze ‘m zien staon ze te wiezen
Hi-j liek old, hi-j is nie wies, dat is ’t oordeel.

Hi-j gif cola an zien peerd             
En zien heur liek wel op strotouw              
Naor de winkel geet ‘e um de krant te leazen.

Altijd lif hi-j maor alleen
Het gin minsen um zich hen
En de blagen motten ‘m altied effe hemmen.

Hi-j het kleren, moddervet                
Jao de minsen hemmen pret
As ze Chris weer langs zien kommen                 
Met zien kar en peerd

      
Iedereen kent den man, maor wat wetten wi-j d’r eigenlijk van?               
Jao wi-j zien um en dan kuj d’r mooi van praoten.
 Want zien naam kent iedereen, en een oordeel he’w bedeen.                    
Maor now vroag ik, luuster goed, an ow wie kent ‘m now echt goed?      
An ow: Wie kent ‘m now?

        
Aj ‘m ziet dan denk ie gauw, nee den kearl krieg nooit een vrouw                           
Maor meen ie now dat hi-j dat eiges wel zol willen?
Zol den man gelukkig zun? Zollen minsen um dat gunnen?                    
Vraog ow eigen toch eens af, wat wetten wi-j d’r now vanaf?

                     
Krieg hi-j ooit wel eens een zoen? Motte de belasting eiges doen?               
Zit d’r ‘saovonds soms visite, het hi-j familie?           
Allemaol een oordeel kloar, maor now mot ik effe storen                    
En dus vroag ik luuster goed, an ow wie kent ‘m now echt goed?
An ow: Wie kent ‘m now?